काठमाडौं, १ भदौ । एघार दिनदेखि हराएकी तनहु व्यास ८ की जमुना ओझाको खोजीमा सहयोग गरि दिन उनका छोराहरुले आग्रह गरेका छन् ।
जमुनाका छोराहरु सुजन ओझा, सुदिप ओझा र देवर रमेश ओझाले आज रिपोटर्स क्लबमा पत्रकार सम्मेलन गरि आमाको खोजीका लागि आग्रह गरेका हुन ।
साउन २४ गते दमौलीबाट हराएकी जमुनाको मोवाईलको टावर काठमाडौं आसपासमा देखाएको जमुनाका देवर रमेश ओझाले बताए । अहिले भने जमुनाको मोवाइल अफ रहेको छ । उनी कहीँकतै भेटिएमा नजिकको प्रहरी चौकी अथवा ९८५५०८२५५० मा टेलिफोन गर्न उनको परिवारले आग्रह गरेको छ ।
