फोटोमा मृतक सुवास राई
अर्जुन काफ्ले, भदौ २३-मलेसिया । रोजगारीका क्रममा मलेसियामा रहेका मोरङ्ग पथरी शनिश्चरेका सुवास राईको सुतेकै अवस्थामा भदौ २३ गते मृत्यु भएको छ ।
मलेसियाको केपुङ्ग मा रहेको जेटफि कम्पनीमा कार्यरत रहेका उनको सुतेकै अवस्थामा मृत्यु भएको नेपाली जनप्रगतीशील मञ्च मलेसियाका महासचिव दिप लिम्वुले जानकारी दिए ।
लिम्वुका अनुसार राती सुतेका राई विहान नउठेपछि उठाउन खोज्दा साथीहरुले उनलाइ मृत अवस्थामा भेटेका थिए । मृतक राईको शव अहिले क्वालालम्पुर स्थीत फ्रोर्सी अस्पतालमा राखीएको छ ।
उनको शव नेपाल पठाउन कम्पनीले आवस्यक प्रक्रिया सुरु गरेको छ । राई २ वर्ष देखी मलेसियाको सो कम्पनीमा कार्यरत रहेका थिए ।