फागुन १६ काठमाडौ,स्थानीय तहको चुनावका लागि निर्वाचन आयोगमा नेकपा एमालेले दल दर्ता गराएको छ । सोमबार पार्टी कार्यालय सचिव कृष्णगोपाल श्रेष्ठको नेतृत्वमा गएको टोलीले आयोगमा दल दर्ता गराएको हो ।
एमालेको दर्ता नम्बर ७ रहेको छ । आयोगले स्थानीय तहको चुनावमा भाग लिने राजनीतिक दलहरुलाई फागुन १८ गतेसम्म आयोगमा दर्ता हुन भनेको छ ।
आयोगका अनुसार दर्ता गर्नका लागि दलले वार्षिक लेखापरीक्षण प्रतिवेदन पेश गर्नु पर्नेछ । यस्तै केन्द्रिय कार्यालयको ठेगाना, केन्द्रीय कार्यकारिणी समिति वा त्यस्तै समितिका पदाधिकारीको संख्या, दलको संगठनात्मक स्वरूप, दल दर्ताको लागि अधिकारप्राप्त व्यक्तिले प्राप्त गरेको अधिकारपत्र, दलको आधिकारिक छापको नमूना पेश गर्नुपर्ने हुन्छ।
